Нийслэлийн Прокурорын газраас "Хөгжлийн банк"-ны гэх эрүүгийн хэргийн шүүхийн урьдчилсан хэлэлцүүлэг өнгөрөгч хоёрдугаар сарын 16-нд болсон. Хэлэлцүүлгээс ирэх сарын 2 буюу ирэх Пүрэв гарагт гэм буруугийн шүүх хурлыг товлосон юм. Сануулахад, эл хэрэгт холбогдуулан нэр бүхий 80 хүн, 4 хуулийн этгээдэд эрүүгийн хэрэг үүсгэж яллагдагчаар татан яллах дүгнэлт үйлдэж шүүхэд ирүүлсэн байдаг.