Цагаан сарын баярын үеэрх хэрэглээний статистик мэдээллийг ҮСХ-ноос танилцууллаа. Энэ үеэр ҮСХ-ны Өрхөд суурилсан судалгааны хэлтсийн дарга М.Оюунцэцэг "Нэг өрхөөс бор идээнд дунджаар 732.8 мянган төгрөг, цагаан идээнд дунджаар 461.7 мянган төгрөгийг зарцуулж байна. 2019 онд нэг өрх цагаан сарын баярт дунджаар 920 мянган төгрөг зарцуулдаг байсан байна. Үүнийг инфляциар нэмэгдүүлээд тооцоход 2023 онд нэг өрх 1 сая 220 мянган орчим төгрөгөөр цагаан сардаа зарцуулна.

Монгол Улсын хэмжээнд 960 мянган өрх байгаа. Нэг өрхийн цагаан сарын хэрэглээгээр авч үзвэл Монгол Улсын хэмжээнд 1.2 их наяд төгрөгийн зардал гаргаж байгаа юм" гэв.