Нотлох баримтыг шинжлэн судлах гурав дахь шатны сонсгол өнөөдөр /2023.02.08/ Төрийн ордонд үргэлжилж байна. Яг одоо Шинэ төмөр зам төслийн зарцуулалттай холбоотой шинжээчийн дүгнэлттэй танилцаж буй юм. Эл төслийн санхүүжилтийн асуудалтай холбогдуулан УИХ-ын гишүүн Б.Энхбаяр "60 сая ам.долларын векселийг 2016 онд Б.Чойжилсүрэн сайд мөнгөжүүлж Энержи Ресурст олгосон байна. "Энержи Ресурс" компанийн хийсэн төмөр замын өртгийг яаж тооцсон юм бэ гэдэг материал нь олдохгүй байна. МОНГОЛЫН ТӨРД АЛГА. н.Батцэнгэл захирал "Энержи Ресурс" компанид байгаа гэж хэлээд байна" гэв.
