УИХ-ын чуулганы үдээс өмнөх хуралдаан засварлалаа. Хуралдаанаар Хяналт шалгалтын түр хорооны ажиллах хугацааг зургаан сараар сунгах тогтоолын төслийг хэлэлцэж, гишүүдийн олонх дэмжлээ. Тус хянан шалгах түр хороо нь өнгөрөгч зургаадугаар сард хилийн боомтуудаар ачаа тээвэр болон нүүрс тээвэр, чөлөөт бүсийн үйл ажиллагаанд учирч буй хүндрэлийг шалгахаар байгуулагдсан ба үүний хүрээнд нүүрсний хулгайн хэргийг шалгах ажлаа эрчимжүүлэхийг олон нийт шаардаж буй билээ.