Засгийн газраас гаргасан шийдвэрийн талаар ХЗДХ-ийн сайд Х.Нямбаатар мэдээлэл хийлээ. Тэрбээр "Нүүрсний хулгайн хэргийг өргөн бүрэлдэхүүнээр шалгах үүрэг чиглэлийг Ерөнхий сайд өгсөн. Тодруулбал, хөдөө орон нутагт ажиллаж буй эрүүгийн цагдаагийн алба хаагчдыг мөрдөн шалгах ажиллагаанд татан оролцуулна. Өргөн бүрэлдэхүүнээр шалгаж, эрчимжүүлэх мэдээлэл өгөх шаардлагатай байна. Мөрдөн шалгах ажиллагааг нуун дарагдуулсан асуудал байхгүй" хэмээлээ.