Энэ мэдээ хуучирсан буюу 2022/12/02-нд нийтлэгдсэн мэдээ болно.

УЕПГ: Тээврийн хэрэгслийг зөөн шилжүүлэх 130 мянган зөвшөөрлөөс цахимаар олгосон 88 мянган зөвшөөрөл нь ЗӨРЧИЛТЭЙ БАЙЖЭЭ

Ангилал
 Хууль эрх зүй
Огноо
Унших
1 минут 49 секунд

Улсын ерөнхий прокурорын газрын Зөрчлийн хэрэг бүртгэх ажиллагаанд хяналт тавих хэлтсээс тээврийн хэрэгслийг зөөж шилжүүлэх, түр саатуулах ажиллагаа хууль тогтоомжид заасны дагуу явагдаж байгаа эсэхийг Нийслэлийн төвийн зургаан дүүргийн хэмжээнд шалгасан байна. Шалгалтаар тээврийн хэрэгслийг зөөж шилжүүлэх, түр саатуулах үйл ажиллагаанд Зөрчлийн тухай хууль тогтоомж зөрчигдөж байгаа хэд хэдэн зөрчил тогтоогджээ.

Тодруулбал, Цагдаагийн байгууллагын алба хаагчаас 2021 он, 2022 оны эхний хагас жилийн байдлаар тээврийн хэрэгслийг зөөж шилжүүлэх, түр саатуулах 130537 зөвшөөрөл олгогдсон байгаагаас цахимаар олгосон 88915 зөвшөөрөлд зөрчил шалган шийдвэрлэх ажиллагаа явуулаагүй, зөрчил үйлдсэн хүн, хуулийн этгээдэд хуульд заасан шийтгэл оногдуулалгүй, зөвхөн зөөж шилжүүлсэн, түр саатуулсан ажиллагааны зардал, төлбөрийг гаргуулан авч, тээврийн хэрэгслийг буцаан олгосон нийтлэг зөрчил илэрсэн байна.

Түүнчлэн “Замын хөдөлгөөн зохицуулах, хянан шалгах журам”-д зааснаар тээврийн хэрэгслийг зөөж шилжүүлэх, түр саатуулах ажиллагаа цагдаагийн албан хаагчийн хяналтад явагдах ёстой байтал хэрэгжүүлж ажиллаагүй, мөн журмын зарим зохицуулалтууд Зөрчлийн тухай хууль тогтоомжтой нийцэхгүй зөрчилдсөн, давхардсан зэрэг нөхцөл байдал тогтоогджээ.

Иймд Хууль зүй, дотоод хэргийн яаманд дээрх журмыг холбогдох хуульд нийцүүлэн боловсронгуй болгох тухай санал, Цагдаагийн байгууллагад Зөрчлийн тухай хууль тогтоомжийг нэг мөр хэрэгжүүлж ажиллах талаар прокурорын шаардлага бичиж, тус тус хүргүүлсэн байна.

Г.Амартүвшин: Бөөн хэрүүл маргаан дунд арайхийн баталсан Банкны тухай хуулиа хавсралт мэтээр өөрчилж болохгүй шүү дээ
Г.Амартүвшин: Бөөн хэрүүл маргаан дунд арайхийн баталсан Банкны тухай хуулиа хавсралт мэтээр өөрчилж болохгүй шүү дээ
 
ШУУД: Сүүлийн 7 хоногт крипто валютныхаа цахим хэтэвчнээс 300 гаруй сая төгрөг алдсан гэх 12 гомдол ирсэн
ШУУД: Сүүлийн 7 хоногт крипто валютныхаа цахим хэтэвчнээс 300 гаруй сая төгрөг алдсан гэх 12 гомдол ирсэн
Энэ мэдээ хуучирсан буюу 2022/12/02-нд нийтлэгдсэн мэдээ болно.