"Өргөө" амаржих газрын захирал Ж.Энхцэцэгийг энэ сарын 13-ны өдөр үүрэгт ажлаас нь чөлөөлсөн. Тодруулбал, түүнийг удаа дараа ёс зүйн алдаа гаргасан болон хугацаат үүрэг даалгаврыг цаг хугацаанд нь биелүүлээгүй үндэслэлээр ажлаас нь чөлөөлсөн байдаг. Харин уг асуудлаар ЗГХЭГ-аас байгуулагдсан ажлын хэсэг "Өргөө" амаржих газрын захирал асан Ж.Энхцэцэгтэй уулзаж байна. Харин тэрбээр уулзалтад орохын өмнө "Өөрийн биеэр уулзах нь зөв гэж бодож байна. Юу хийсэн, энэ эмнэлэгт юу болоод байна гэдгийг ярих хэрэгтэй. Намайг сонсох байх гэж бодож байна. Эмнэлэгт хийсэн ажил, тавьж байсан шаардлага, биелүүлсэн байдал зэргийг тайлагнахаар ирсэн. Энэ ажлыг хийх, хийхгүй байх, халагдах эсэх нь надад хамаагүй. Хамгийн гол нь, би үнэнч шударга ажилласан гэдгээ нийгэмд ил болгохыг хүсэж байна" гэв.