ШӨХТГ-ын дарга С.Мөнхчулуун "Өдрийн сонин"-д өгсөн ярилцлагадаа үүрэн телефоны компаниуд хэрэглэгчдийг хохироосон тухай дурджээ. Тухайлбал, "Мобиком" компани хэрэглэгчийн бараа үйлчилгээг чөлөөтэй сонгох, багц бууруулан шилжих боломжийг хязгаарлан хууль зөрчсөн гэсэн юм.

Тэрбээр энэ талаар, ""Мобиком" компани гэхэд дараа төлбөрт "Миний мобиком" багц, хосолсон төлбөрт "Хайбрид" багц хэрэглэгчдэд санал болгодог. Энэ нь хэрэглэгч өөрийн хэрэглээндээ нийцүүлж бараа үйлчилгээг чөлөөтэй сонгох, багц бууруулан шилжих боломжийг хязгаарласан. Мөн хоногтой картаар нэг дор хоёр удаа цэнэглэхэд нэгж нь нэмэгдсэн ч хоног нь нэмэгддэггүй зөрчил илэрсэн.

Бүх л компани дээр зөрчил гарсан. Зөрчилтэй асуудлууд дээр нь 30 хоногийн хугацаатай албан даалгавар хүргүүлээд байна" гэжээ.