Иргэдээс их хэмжээний самар худалдан авч хадгалан хятадуудад борлуулахаар бэлтгэж байсан хүмүүсийг хууль сахиулахын байгууллагынхан шалгаж эхэлээ.

Тодруулбал иргэн Б.Б гэх 46 настай эр өнгөрсөн сарын 20-ноос хойш нийслэлийн ногоон бүсийн Гачуурт, Улиастай, Хандгайт зэрэг газар руу хүмүүсийг гаргаж их хэмжээний самар бэлтгүүлж байсан бөгөөд Баянзүрх дүүргийн нутаг дэвсгэр дахь хоёр агуулахад 20-30 тн самар хадгалж байсныг цагдаагийн албаныхан илрүүлжээ. Хууль сахиулахын ажилчид шалгалтаа нарийвчлан явуулахад нийслэлийн Байгаль, орчны газрын ажилтнуудтай хуйвалдан дээрх агуулах руу оруулж ирдэг байж болзошгүй нөхцөл байдал тогтоогдсон байна.

Иргэн Б.Б-тэй хамт Т.Т гэх 40 настай эрийг шалгаж буй бөгөөд иргэдээс нэг кг-ыг нь 6000-7000 төгрөгөөр худалдан авч хятадуудад 14 мянгаас 17 мянган төгрөгийн хооронд борлуулахаар тохиролцоо хийсэн байна..