Өмнөд Солонгосын волейболын эмэгтэйчүүдийн лигийн 2022-2023 оны шинэ тамирчдыг сонгон шалгаруулах драфтын үйл ажиллагаа Сөүл хотод боллоо.

Уг үйл ажиллагаанд 49 залуу тамирчин оролцсон бөгөөд драфтын эхний сонголтоор "Pepper Savings Bank" компаний эзэмшдэг "Ai peppers" баг 18 настай Н.Орхоныг сонгожээ. Тэрбээр 194.5 см өндөртэй. Хэрэв Солонгосын иргэншил авбал Солонгосын волейболын эмэгтэй шигшээ багт тоглох боломж бүрдэх юм. Түүний нэрийг Өмнөд Солонгосын хэвлэлүүд Er-Hung гэж бичин танилцуулж байгаа бөгөөд Солонгос иргэншил авахаар хүлээгдэж байгаа аж.

Эх сурвалж: Yonhap news