УИХ-ын гишүүн Д.Ганбат бүлгийн даргын өрөөгөө О.Цогтгэрэлд өгөхгүй хэмээн мэдэгдэв. Тэрбээр "УИХ-ын гишүүний албан өрөө халдашгүй байх ёстой. Эхнээсээ л Үндсэн хуулийн нэмэлт өөрчлөлтийг батлахын тулд албан тушаал, сандал ширээгээр наймаалцаж Монгол Улсын Үндсэн хуулийн суурь зарчмыг алдагдуулсан зургаан нөхөр байгаа. Ардчилсан намаас шийдвэр гаргаж намаасаа хассан талаар эрх бүхий хүмүүс нь мэдэгдсэн. Нөгөө талаас мини ирцэнд орчихсн картыг УИХ-ын дарга Г.Занданшатар, УИХ-ын гишүүн О.Цогтгэрэл нар сугалсан. Халдсан. Би үүнийг Халдашгүй байдлын дэд хороонд хандана. Хууль хяналтын байгууллагад хандана. Хоёул гурвуулаа орж ирчихсэн миний халдашгүй байдалд халдаж байна. Би ажлын өрөөгөө О.Цогтгэрэлд өгөх шаардлагагүй. Намын дүрмийг зөрчсөн бол тухайн нам нь хуулийн дагуу арга хэмжээ авдаг. УИХ-ын гишүүд бол адилхан эрхтэй" гэв.