Засгийн газрын ээлжит хуралдаан болж өндөрлөлөө. Хуралдаанаас гарсан шийдвэрийг холбогдох албаныхан танилцуулж байна. Энэ үеэр Эрүүл мэндийн сайд С.Энхболд эрт илрүүлгийн ажилтай холбоотой мэдээллийг өглөө. Тэрбээр "Урьдчилан сэргийлэх үзлэгийн явцад 844 хүнээс хортой болон хоргүй хавдрын сэжигтэй тохиолдол бүртгэгдсэн. Үүнээс 201 тохиолдол нь хортой байх магадлалтай. Эдгээр иргэд дараагийн шатны эмнэлэгт хандаж, нарийвчилсан шинжилгээг хийлгэж оношийг баталгаажуулна. Иймээс урьдчилан сэргийлэх үзлэг эхнээсээ үр дүнгээ өгч байна гэж харж байна" гэлээ.