Ардчилсан намын XIV их хурал үргэлжилж байна. Энэ үеэр Нийслэлийн АН-ын дарга Э.Бат-Үүл "32 жилийн өмнө АН-ын анхны хурлын тэргүүлэгч даргаар намайг сонгож байв. Манай намд учраад байгаа өнөөгийн хүнд басхүү эмгэнэлтэй гэмээр нөхцөл байдлын тухай бодож байна. Х.Баттулга МоАХ-г хувьчлаад авчихсан. Бид яаж ч чадахгүй сууж байна. Намын аравдугаар их хурлаар Х.Баттулга намыг хувьчилж авах гэж байсан. Анх удаа намын даргадаа зориулж дүрэм хийх гэж байсан. Үүнээс болоод л хагарал үүссэн. Х.Баттулгын хувийн нам болгохгүй гэж би тэмцсэн. Энэ намыг энх үйлтэй, энх тавилантай нь 32 жил тэвчиж байгаа. Х.Баттулга МоАХ-г хувьчилж авсан шигээ Ардчилсан намыг хувьчилж авах гэж байсныг мартах ёсгүй" гэв.