С.Эрдэнэ даргатай Ардчилсан намын XIV их хурал эхлээд байна. Тэгвэл Х.Баттулга даргатай АН-ын зүгээс тус их хурлыг хууль бус гэж үзэж байгаагаа мэдэгдээд байна. Мэдэгдэлд "Ардчилсан намын 21 аймаг, 330 сум, 9 дүүргийн намын гишүүд Иргэн С.Эрдэнийн зүгээс 2022 оны 07 дугаар сарын 02-ны өдөр зарласан Их хуралд оролцохгүй болохоо албан ёсоор мэдэгдлээ.

Иргэн С.Эрдэнэ нь “Ардчилсан намын XIV их хурал”-ыг зарласан тухай мэдээ, мэдээллийг олон нийтийн сүлжээгээр түгээж байгаа нь дүрмийн бус, хууль бус үйл ажиллагаа юм.

Иймээс Ардчилсан намын анхан болон дунд шатны гишүүд тус дүрмийн бус Их хуралд оролцохгүйгээ мэдэгдэн Ардчилсан намын Хэрэг эрхлэх газарт албан тоот ирүүллээ" гэжээ.