Дарханы замын бүтээн байгуулалтын ажлын явцтай Ерөнхий сайд Л.Оюун-Эрдэнэ газар дээр нь ажиллаж, замын бүтээн байгуулалттай танилцаж билээ. Энэ үеэр тэрбээр “Дарханы замын 2, 3, 4 дүгээр багцийг гүйцэтгэж буй хятад компаниудыг хуулийн байгууллагад шалгуулна” гээд үндэсний томоохон компаниудыг замын ажилд оруулах нь зүйтэй.
-Улаанбаатар-Дархан-Уул чиглэлийн авто замын ажлыг 7 компани гүйцэтгэж байна. 4, 2, 3-р багцыг гүйцэтгэж буй БНХАУ-ын “Чайна-Жео Инженеринг” болон “Жунмэй Инженеринг” групп компанийн ажлын гүйцэтгэл хангалтгүй байна.
-“Улаанбаатар-Дархан чиглэлийн авто замын ажлыг сар бүр шалгана. Энэ ганц Зам тээвэр, хөгжлийн яамны асуудал биш. “Шинэ сэргэлтийн бодлого”-ын стратегийн 47 төсөлтэй адилтган Засгийн газар бүх төвшинд анхаарч ажиллана.
-Ажлын гүйцэтгэл хангалтгүй байгаа БНХАУ-ын компаниудыг дахин асуудал үүсгэвэл гэрээг цуцлах, Хятад Төв Засгийн газарт мэдэгдэх,
-Мөн Дарханы замын бүтээн байгуулалтын тендерийг анх шалгаруулахад оролцсон бүх төрийн албан хаагчдыг хууль хяналтын байгууллагаар шалгуулна" гэсэн юм. Тэгвэл тэрбээр энэ асуудлаар өнөөдөр УИХ-ын чуулганы үеэр мэдээлэл хийхээр болсон байна.
