Жирэмсэн эмэгтэй амиа хорлосон байж болзошгүй хэрэг гарчээ. Тодруулбал, Хэнтий аймгийн Дархан суманд гэр бүлийн маргааны улмаас 6 сартай жирэмсэн эмэгтэй өөрийгөө боомилсон байдалтай нас барсан байна гэх дуудлага тус аймаг дахь цагдаагийн газарт иржээ.

Дуудлагын дагуу цагдаагийн ажилтнууд хэргийг шалгахад 36 настай эмэгтэй Монгол гэрийн баганаас даавуугаар боомилогдсон байдалтай ил харагдах, гэмтэл шархгүй нас барсан байжээ. Тус хэргийг Хэнтий аймаг дахь цагдаагийн газрын Бор-Өндөр сум дахь сум дундын цагдаагийн хэлтэс шалгаж байгаа аж.