Нийслэлийн Прокурорын газраас Хөгжлийн банкны зээлтэй нэр холбогдоод буй УИХ-ын дөрвөн гишүүнд хилийн хориг тогтоох саналыг энэ сарын 26-нд Сүхбаатар дүүргийн Эрүүгийн хэргийн анхан шатны шүүхэд хүргүүлсэн. Энэ дагуу Сүхбаатар дүүргийн Эрүүгийн хэргийн анхан шатны шүүх уг асуудлыг хэлэлцэж, УИХ-ын гишүүн Н.Алтанхуягийг өнөөдрөөс эхлэн Монгол Улсын хилээр гарахыг хориглосон. Харин УИХ-ын гишүүн Х.Ганхуяг, Ё.Баатарбилэг нарын асуудлыг даваа гарагийн 11.00 цагт хэлэлцэхээр болжээ.
УИХ-ын гишүүн Г.Амартүвшингийн тухайд гадаадад байгаа. Энэ сарын 31-нд эх орондоо ирэх аж. Түүнийг Монгол Улсад ирснийх нь дараа хурлыг товлож, хилийн хорио тогтоох эсэхийг хэлэлцэх юм байна.
