Нийслэлийн хэмжээнд зам засварын ажлууд эхлээд буй. Үүнтэй холбогдуулан нийслэлийн зарим замуудыг хэсэгчилэн хааж байгаа юм. Тухайлбал, Чингэлтэй дүүрэг Баруун Сэлбийн гудамжны авто замын шинэчлэлтийн ажлын хүрээнд Их дэлгүүрийн зүүн урд талын уулзвараас Тэди төвийн зүүн хойд уулзвар хүртэл авто замын хөдөлгөөнийг хязгаарлана. Ингэхдээ энэ оны тавдугаар сарын 20-ны 20 цагаас тавдугаар сарын 22-ны 20 цаг хүртэл асфальтбетон хучилтын ажил гүйцэтгэнэ.