Энэ мэдээ хуучирсан буюу 2022/05/18-нд нийтлэгдсэн мэдээ болно.

МХЕГ: Салхи хүчтэй салхилснаас болж краны сум хугарсан байх гэж барилгын компани тайлбарласан

Ангилал
Нийгэм
Хэзээ
Унших
1 минут 40 секунд

Хөвсгөл аймгийн Мөрөн сумын Урандөш багт баригдаж буй барилгын краны сум хугарч, ойр орчимдоо аюултай байдал үүсгэсэн байна. Тодруулбал, 14 давхар “Хоймор Таур” барилгын суурин краны сум хугарч, зэргэлдээх барилга дээр унах аюултай болсон тухай дуудлага энэ сарын 17-ны өдрийн 20:45 цагт Онцгой байдлын албанд иржээ.

Дуудлагын дагуу аврагчид очих үед баригдаж буй байрны зүүн талд байрлах 15 дугаар байрны дээвэр дээр 54 метрийн өндөртэй суурийн краны хугарсан хэсэг унах эрсдэл үүссэн байжээ. Тиймээс тус байрны цахилгааныг тасалж, 198 иргэнийг байрнаас түр нүүлгэн шилжүүлж, краныг хугарсан хэсгийг бэхэлгээ хийхээр ажилласан байна.

Үүний тулд цагдаагийн байгууллагаас ойр орчмыг хамгаалалтад авч ажилласан байна. Энэ талаар Мэргэжлийн хяналтын Ерөнхий газраас тодруулахад “Хөвсгөл аймгийн мэргэжлийн хяналт ажиллаж байгаа. Азаар хүний амь нас эрсдээгүй.

Хэн нэгэн гэмтэж бэртээгүй. Барилга барьж байсан компанийн зүгээс “Краны гүйцэтгэх ажил үндсэндээ дууссан. Барилгын талбайгаас нүүлгэх гэж байсан. Ажлын цаг дууссан учир ажилчид гэртээ харьсан учир ослын талбайд хүн байгаагүй.

Гэтэл оройн 20.00 цагийн орчимд хүчтэй салхи салхилж шуурсан. Үүнээс болж краны сум хугарсан байх” гэдэг тайлбарыг өгсөн” гэлээ.

Согтуугаар тээврийн хэрэгсэл жолоодсоноос экскаваторын шанага мөргөж нас баржээ
 
Улаанбаатарт 25 хэм дулаан, бороо орохгүй
Энэ мэдээ хуучирсан буюу 2022/05/18-нд нийтлэгдсэн мэдээ болно.