Хууль зүйн байнгын хорооны хурлын үеэр УИХ-ын гишүүн Ж.Сүхбаатар "Бид хууль тогтоох байгууллага учраас онигоонд орж болохгүй. Томъёолол нь амьдралтай, хууль зүйн шаардлагад нийцсэн байх хэрэгтэй. Албан томилолтын хугацаанд удирдамж төлөвлөгөөнд тусгагдаагүй газраар зорчих, аялал жуулчлал хийхэд зориулсан зардлыг аливаа хэлбэрээр төсвөөс санхүүжүүлэхийг хориглоно л гэж байх ёстой. Мөнгөөр нь дамжуулж хянана уу гэхээс үйлдлээр нь хянана гэж байхгүй. Гадаад томилолт ч хамаарна. Албан томилолтын зохицуулалтыг хийхдээ хүний эрхэнд халдаж болохгүй" гэв.