Египетийн ТикТок од эмэгтэйг шүүхээс хүний ​​наймааны хэргээр буруутгаж, гурван жилийн хорих ял оноожээ. Өдгөө 20 настай Ханеен Хоссам нь видео хуваалцах платформоор дамжуулан охидыг мөнгө олохын тулд мөлжсөн хэрэгт буруутгагдсан байна. Харин тэрбээр шүүхийн шийдвэрийг хүлээн зөвшөөрөхгүй байгаа бөгөөд хүний эрхийн төлөө тэмцэгчид "Хоссамыг сошиал сүлжээнд нөлөөлөгч эмэгтэйчүүдийг дарах ажиллагааны нэг хэсэг боллоо" хэмээн шүүхийн шийдвэрийг эсэргүүцэж байгаа аж.

Учир нь тэд "2020 оноос хойш Хоссам болон бусад олон сая дагагчтай 11 эмэгтэйд тулгарсан хэргүүд нь хувийн нууц, үзэл бодлоо илэрхийлэх эрх чөлөө, ялгаварлан гадуурхахгүй байх, бие махбодийн бие даасан байдлыг зөрчиж байна" гэж үзэж байгаа юм байна.

Каирын их сургуулийн оюутан Хоссам дуу болон бүжиглэж буй бичлэгээ нийтэлснээр TikTok сайтад 900.000 гаруй дагагчтай болжээ.