АТГ-ын "Хяналт шалгалт, дүн шинжилгээний хэлтсийн комиссар"-ыг төрийн албаны тухай хуулиар "Хяналт-шинжилгээ, үнэлгээ, дотоод аудитын газрын дарга"-аар сэлгэн ажиллуулж эхэллээ.

Тодруулбал, Байгаль орчин, аялал жуулчлалын яам нь АТГ-аас гаргадаг Шударга байдлын үнэлгээгээр 2021 онд сүүлээсээ 3-р байранд бичигдсэн байдаг. Энэхүү шударга байдлын үнэлгээг дээшлүүлэх, авлигаас ангид ажиллах зорилтыг БОАЖ-ын сайд Б.Бат-Эрдэнэ дэвшүүлж, салбарын хэмжээнд ажиллаж байгаа нийт ажилтан, албан хаагчдыг авлигаас ангид, ил тод, нээлттэй ажиллах чиглэл өгчээ.

Энэ ажлын хүрээнд БОАЖЯ-аас Авлигатай Тэмцэх Газар хүсэлт тавиад байсан билээ. Уг хүсэлтийг АТГ хүлээн авч, "Хяналт шалгалт, дүн шинжилгээний хэлтсийн комиссар"-ыг Төрийн албаны тухай хуулиар "Хяналт-шинжилгээ, үнэлгээ, дотоод аудитын газрын дарга"-аар сэлгэн ажиллуулж эхэллээ.