УИХ-ын Боловсрол, соёл, шинжлэх ухаан, спортын байнгын хорооны өчигдрийн хуралдаанаар “Монголоо мандуулъя” аяны уриалга дор хийгдэж буй “Нийгмийг соён гэгээрүүлэхэд шинжлэх ухааны үүрэг оролцоо, шийдэл гарц” сэдэвт эрдэм шинжилгээний хурал зохион байгуулагдсан.
Энэ үеэр УИХ-ын гишүүн Б.Жаргалмаа “Бид Монголоо яаж мандуулах вэ, монголоо яаж авч үлдэх вэ гэдэг дээр бодлого барих хэрэгтэй байна. Бид энэ асуудал дээр алдаад байгаа шүү. Өнөөдөр яагаад охид Black pink, BTS-ийг яриад байгаа юм. Яагаад бид язгуур урлаг, бие биелгээ, Алтайн магтаал ийм учиртай юм гэдэг контент хийхгүй байгаа юм. Бид даяарших ёстой. Гэхдээ Монголоо авч үлдэх хэрэгтэй" гэв.
