Хэнтий аймгийн Өмнөдэлгэр сумын нутагт сураггүй алга болсон 84 настай эмэгтэйг эрэн хайж байна. Тодруулбал, тус аймгийн Өмнөдэлгэр сумын харьяат иргэн Л өнгөрөгч гуравдугаар сарын 16-ны өдрийн 16:00 цагт гэрээсээ гараад сураггүй болсон тухай дуудлагыг гуравдугаар сарын 17-ны өдрийн 18:18 цагт хүлээн авсан.

Дуудлагын дагуу тус аймгийн Онцгой байдлын газрын алба хаагчид 84 настай сэтгэцийн эмгэгтэй эмэгтэйг эрэн хайх ажиллагааг зохион байгуулахаар Өмнөдэлгэр сумын чиглэлд 19:40 цагт явсан бөгөөд 22:20 цагт цагт очиж хоносон. Өнөөдөр /2022.03.18/ өдрийн 07:00 цагаас эхлэн эрэн хайх ажиллагааг зохион байгуулж байгаа талаар ОБЕГ-аас мэдээллээ.