Энэ мэдээ хуучирсан буюу 2022/01/17-нд нийтлэгдсэн мэдээ болно.

Ц.Цолмонбаатар: СБД-ийн нутаг дэвсгэр Бэлхэд орж ирсэн хоёр чоныг байгаль руу нь үргээсэн

Ангилал
Нийгэм
Огноо
Унших
3 минут 6 секунд

Нэгдүгээр сарын 15-ны үүрийн 05.00 цагт СБД 20 хороо Бэлхийн төв замаар хоёр чоно явж байж болзошгүй бичлэг цахим орчинд цацагдсан. Тэгвэл иргэдэд сэрэмжлүүлэг болгох үүднээс Нийслэлийн Байгаль орчны газрын хэлтсийн дарга Ц,Цолмонбаатараас тодрууллаа.

-2022 оны нэгдүгээр сарын 15-ны өглөө СБД-ийн 22-р хорооны нутаг дэвсгэр, Бэлхийн төв замаар чоно явж байж болзошгүй дүрс бичлэг цацагдсан. НБОГ-т суурьшлын бүсэд чоно явж байна гэсэн дуудлага мэдээлэл бүртгэгдсэн үү?

-Хоёр хоногийн өмнө хоёр чоно суурьшлын бүсэд явж байна гэсэн иргэний мэдээлэл манай байгаль хамгаалагчдад ирсэн. Тиймээс ойр орчмын айл өрхүүдэд анхааруулж, зохих арга хэмжээг авсан.

-Ямар шалтгааны улмаас зэрлэг амьтад суурьшлын бүсэд орж ирж байна вэ?

-Сүүлийн жилүүдэд Улаанбаатар хотод зэрлэг амьтан орж ирэх тохиолдол нэмэгдэж байна. 2015 онд 30 дуудлага авсан бол 2019 онд 43 дуудлага, 2020 онд 116 дуудлага, 2021 онд суурьшлын бүсэд зэрлэг амьтан орж ирсэн гэсэн 89 удаагийн дуудлага авсан байна. Зэрлэг амьтны тархац нутаг хумигдах, идэш тэжээлийн дутагдалд орсноор Улаанбаатарт зэрлэг амьтан орж ирэх тохиолдол нэмэгдэж байна. Амьтны тухай хуулийн 11-р зүйлийн 11.1.10-т зааснаар Улаанбаатар орчимд амьтан агнах хориотой учраас тухайн хоёр чоныг буцаагаад байгаль руу нь үргээх арга хэмжээ авсан. Мэдээж Улаанбаатарын ойролцоо агнах боломжгүй учраас айл өрхүүдэд анхааруулж үргээх ажлыг цаг алдалгүй авсан. Өөр арга хэмжээ авах боломжгүй.

-Одоогоор чоныг суурьшлын бүсэд байхгүй гэж ойлгож болох уу?

-Гараад явсан.

-Чоно орж ирсэн шалтгаан нь юу вэ?

-Дэд бүтэц хөгжихийн хэрээр саарал чоно амьдрах орчны хуваагдалд ороод буй. Чөлөөтэй нүүдэллэх боломжгүй болж, идэш тэжээл хайж хотын суурьшлын бүсэд орж ирсэн гэж үзэж байна. Саарал чоно гэлтгүй могой, баавгай ч орж ирсэн тохиолдол байгаа.

-Хүн рүү дайрсан тохиолдол гараагүй юу?

-Хүн рүү дайраагүй

-Хоёр чоно аль хэсгээс орж ирсэн байх боломжтой вэ?

-СБД-ийн 20-р хороо Бэлх, Сэлх орчмоосоо л орж ирсэн. Улаанбаатар хот тойроод саарал чоно суурьшсан байгаа. Ороо нь орж дууссан учраас идэш тэжээл хайгаад явж байж болзошгүй. Одоо бол Улаанбаатарт чоно байхгүй. Санаа зовж, айх шаардлагагүй.

Мэдээлэл өгсөнд баярлалаа.

Олон гишүүн ковидоор өвчилсөн тул намрын чуулганыг маргааш хаахаар болжээ
Олон гишүүн ковидоор өвчилсөн тул намрын чуулганыг маргааш хаахаар болжээ
 
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Л.Оюун-Эрдэнэ: С.Зоригийн хэргийн зургаан ажлын хэсэг тарсан. Яагаад тарав. Энэ Ц.Элбэгдоржийн ЗГ-ын сэдэл байсан
Энэ мэдээ хуучирсан буюу 2022/01/17-нд нийтлэгдсэн мэдээ болно.