ДЭМБ-ын Ерөнхий нарийн бичгийн дарга Тедрос Адханом Гебрейесус 2022 онд цар тахлыг дуусгах зорилт тавьж байгаагаа мэдэгджээ. Тодруулбал, тэрбээр шинэ жилийн мэндчилгээндээ вакцинжуулалтын тэгш бус хуваарилалт цар тахлыг сунжруулж байгааг шүүмжлээд 2022 онд энэ байдлыг өөрчлөхийн төлөө дэлхий нийтээрээ хамтран ажиллахыг уриалсан байна. Ингэхдээ "2022 оны дунд үе хүртэл дэлхийн хүн амын 70 хувийг вакцинжуулсны үр дүнд цар тахлыг дуусгах зорилтыг ДЭМБ тавьж буй" хэмээсэн аж.

Сануулахад, Хятадын Ухань хотод анх гарсан цар тахлын улмаас өнгөрсөн хоёр жилийн хугацаанд 278 сая хүн өвчилж, 5.5 сая хүн нас баржээ.