Засгийн газрын ээлжит хуралдаан өнөөдөр /2021.12.31/ боллоо. Хуралдаанаар 18 асуудлыг хэлэлцсэн байна. Хуралдаанаас гарсан шийдвэрийг танилцуулахын өмнө Ерөнхий сайдын хэвлэлийн төлөөлөгч Ч.Болортуяа дархлаажуулалтын талаар мэдээллийг хүргэв. Тэрбээр “Арванхоёрдугаар сарын 30-ны өдрийн байдлаар нийт хүн амын 69.7 хувь нь вакцины нэгдүгээр тунд, 66.5 хувь нь хоёрдугаар тунд, 28 хувь нь гуравдугаар тунд хамрагдаад байна. Гуравдугаар тунгийн хамралт насанд хүрэгчдийн 47.5 хувьд хүрээд байна” гэлээ.