АНУ-ын Аризона мужийн Глендейл хотод энэ сарын 28-наас 2022 оны нэгдүгээр сарын 7-ны хооронд зохион байгуулагдаж буй. “Across the Years” арван өдрийн гүйлтэд хэт холын зайн гүйлтийн олон улсын тэмцээний найман удаагийн аварга Бямбаагийн Буджаргал оролцох гэж байна.

Тэрбээр энэ онд л гэхэд зургаадугаар сарын 20-26-нд АНУ-ын Висконсин мужийн Милуоки хотын "Petit national ice center"-т зохион байгуулагдсан зургаан өдрийн хэт холын зайн гүйлтийн тэмцээнд оролцож 2038 тойрог хийж, 904 км зам туулснаар аваргалсан. Түүнчлэн зургаа хоногийн хугацаанд 900 км-ээс их зам туулсан дэлхийн 21 дахь хүн болсон байна. Үүнээс гадна хэт холын зайн Ази тивийн рекорд 834 км байсныг 70 км-ээр шинэчилснээс гадна тус тэмцээний дээд амжилт 835 км байсныг 69 км-ээр шинэчлэн тогтоосон билээ.