Өчигдөр буюу 11 дүгээр сарын 8-нд “Орон сууц ба санхүүжилт” хэлэлцүүлэг зохион байгуулагдаж, иргэдээ эрүүл аюулгүй орчинд амьдруулах нэг шийдэл болох орон сууцжуулалт ба түүний эх үүсвэр, санхүүжүүлэх боломж зэргийн талаар холбогдох албаныхан санал солилцсон. Энэ үеэр БХБ-ын дэд сайд Э.Золбоо ипотекийн зээлийн урьдчилгаа 30 хувийг төлж чадахгүй байгаа иргэдэд хуримтлалын зээл олгох, даатгалын сангаар дамжуулан урьдчилгааны 50 хувийг төлүүлэх, мөн урьдчилгааг 20 хувь болгох ч боломжтой. Ингэснээр зээлийн чанар муудахгүй хэмээн онцолжээ.