Засгийн газрын хуралдаанаас гаргасан шийдвэрийн талаар ХХААХҮ-ийн сайд З.Мэндсайхан мэдээлэл хийлээ. Тэрбээр "Хил гааль хаагдсантай холбогдуулан Засгийн газраас үүрэг чиглэл өглөө. Монгол Улсын Шадар сайдаар ахлуулсан ажлын хэсэг байгуулагдсан. Энэхүү ажлын хэсэг нь хил гаалиар нэвтэрч буй богино хугацаанд муудах, хадгалалтын хугацаа богинотой хүнсний бүтээгдэхүүнийг саадгүй нэвтрүүлэх чиглэлээр яаралтай арга хэмжээ авч ажиллана. Үүнд, гааль, ГХЯ, ЗТХЯ зэрэг байгууллагуудаас төлөөлөл оролцсон.

Өнөөдрийн байдлаар хүнсний гол нэрийн бүтээгдэхүүнүүд хомстолд орсон зүйл байхгүй. Харин Эрээний хил гаальтай холбоотойгоор нарийн ногооны нийлүүлэлтийн асуудалд тасалдал үүснэ гэсэн эрсдэл харагдаж байна. Эрээн хил гаалиа хэзээ нээх нь тодорхойгүй байна" гэлээ.