Хүүхдийг гэмт хэргээс урьдчилан сэргийлэх "Хүүхэд хамгаалагч" эргүүл ажиллаж эхэлжээ. Тодруулбал, хүүхдийн сургуулиас гэр, гэрээс сургууль хүрэх замын аюулгүй байдлыг хангах, аливаа осол гэмтэл, гэмт хэрэг, зөрчилд өртөж хохирохоос урьдчилан сэргийлэх, эмзэг цэгүүдэд хяналт тавих, ахмад настны хөдөлмөр эрхлэлтийг дэмжих зорилготой “Хүүхэд хамгаалагч төсөл” сүүлийн гурван жил хэрэгжиж, аймаг бүрд 2, нийслэлийн 172 хороонд тус бүр 1 нийт 214 ахмад ажилтан хүүхдийн аюулгүй байдлыг ханган ажиллаж байна.
Уг төсөл нь хүүхдийн эрх, аюулгүй байдлыг хангах, гэмт хэрэг, зөрчлөөс урьдчилан сэргийлэх ажилд дэмжлэг үзүүлэхийн зэрэгцээ ахмад настны хөдөлмөр эрхлэлтийг дэмжин өрхийн орлогыг нэмэгдүүлсэн зэрэг олон талын ач холбогдолтой юм.
