АНУ-ын Нью-Йорк мужийн "Erie County" эрүүл мэндийн төвөөс коронавирусийн эсрэг вакцин хийлгээгүй 400 орчим сувилагчдыг халах магадлалтай байна.
Нью-Йорк хотын хамгийн том хувийн эмнэлэг болох "NewYork-Presbyterian"-ийн ажилтнуудын дийлэнх нь вакцин хийлгэсэн боловч энэ долоо хоногийн байдлаар 200 гаруй сувилагчид вакцин хийлгээгүй тул ажлаас халагдах нөхцөл байдалд оржээ.
Нью-Йоркийн 450,000 эмнэлгийн ажилчдын 84 орчим хувь, асрамжийн газрын 145,400 ажилчдын 83 хувь нь вакцины хоёр тунд хамрагдсан байна. Хэдэн арван мянган хүнийг ажлаас хална гэж сүрдүүлсэн ч вакцинд хамрагдаагүй байна.
Амбан захирагч Кэти Хочул "Засаг захиргаанаас ажлаасаа халагдсан хүмүүсийн оронд Филиппин эсвэл Ирландаас түр ажилчин элсүүлэх асуудлыг судалж байна" гэжээ.
Нью-Йорк хотод вакцин хийлгэхээс татгалзсанаар ажилгүй болох магадлалтай иргэд зөвхөн эрүүл мэндийн ажилчид биш юм. Улсын сургуульд ажилладаг 150,000 гаруй иргэн вакцинд хамрагдах шаардлагатай талаар мэдэгджээ.
Сануулахад, АНУ-ын муж бүр вакцины тухай хуультай ба зарим мужуудад заавал вакцинд хамрагдахыг шаардаж байгаа бол зарим мужуудад шаардахгүй байгаа юм.
