Энэ мэдээ хуучирсан буюу 2021/09/26-нд нийтлэгдсэн мэдээ болно.

Талибанчууд гэмт хэрэгтнүүдийн цогцсыг олны нүдэн дээр талбайд дүүжилжээ

Ангилал
Дэлхий дахинд
Хэзээ
2021/09/26
Унших
1 минут 16 секунд
QR кодыг уншуулж мэдээг утсаараа унших боломжтой.

Афганистаны баруун хязгаарын төв Херат хотын гол талбайд Талибанчууд дөрвөн гэмт хэрэгтний цогцсыг дүүжилж, олон нийтэд үзүүлжээ. Тодруулбал, Афганистаны сошиал ертөнцөд тарсан дүрс бичлэгт хувцас нь цусанд будагдсан дөрвөн эрэгтэйн цогцсыг өргөгч машинаас дүүжилсэн байгааг харуулсан байна.

Сануулахад, Афганистаний засгийг эзлээд буй Талибанууд гэмт хэрэгтнүүдийг олны өмнө цаазлах, гар хөлийг нь тайрах ялыг сэргээх болсноо мэдэгдээд байсан.

Тухайлбал, Талибан хөдөлгөөний үүсгэн байгуулагчдын нэг, Исламын хуулийг хатуу дагагч гэгддэг Мулла Нооруддин Тураби Афганистанд нийтийн өмнө цаазаар авах, гар тайрах шийтгэлийг сэргээхээр төлөвлөж байгааг мэдэгдсэн юм.

Талибануудын засаглалын үед буюу 1996-2001 оны хооронд цаазын ялыг хохирогчийн гэр бүлийн хэн нэг нь гэмт хэрэгтний толгойд буу тулган буудах аргаар гүйцэтгэдэг байжээ. Мөн хулгай хийсэн этгээдийн гарыг олны нүдэн дээр тайрдаг байв. Харин дээрэм хийсэн бол гар, хөлийг нь хамт тайрдаг байсан аж.

Энэ мэдээ хуучирсан буюу 2021/09/26-нд нийтлэгдсэн мэдээ болно.
  1. Зочин

    Сонсож ,үзэж, унших өчнөөн л сайхан юм байхад нийтлэх сонирхуулах юм олдохгүй л байгаа юм байх даа. Харгислал сурталчилаад байгаа юм шиг