Дэлхийн Эрүүл Мэндийн байгууллагын мэдээлснээр дэлхий даяар цусны даралт ихсэх өвчтэй хүний тоо хоёр дахин нэмэгдсэн байна. Тодруулбал, 650 саяас 1,28 тэрбум болон өсжээ. Цусны даралт ихсэх өвчтэй хүмүүсийн тал хувь нь тус өвчнөөр өвчилсөн гэдгээ мэддэггүйг онцоллоо.
Энэхүү судалгааг Лондоны Хатан хааны коллежийн эрдэмтэд 184 орны 100 сая гаруй хүний цусны даралтын мэдээллийг судалсаны үнсдсэн дээр олж тогтоосон байна.
Цусны даралт ихсэх өвчин нь дэлхийн нас баралтын тэргүүлэх шалтгаан бөгөөд зүрх, тархи , бөөрний өвчтэй болох эрсдэлийг нэмэгдүүлдэг. Мөн даралтыг хэмжих замаар илрүүлэн хямд зардлаар эмчлэх боломжтой юм.
