ЭМЯ-ны Нийтийн эрүүл мэндийн тусламжийн бодлогын хэрэгжилтийг зохицуулах газрын дарга Л.Энхсайхан ковидын дараах нөхцөл байдал, илэрх шинж тэмдэг зэргийн талаар мэдээлэл өгсөн юм. Тэрбээр "Коронавирусийн шинж тэмдэг зарим хүмүүст удаан хугацааны туршид үргэлжилж байна. Өөрөөр хэлбэл, коронавирус халдвараар өвчилсний дараа 4-7 сарын хугацаанд зарим хүмүүст шинж тэмдэг илэрч байгаа. Нэг жилийн хугацаанд үргэлжилэх хүн ч байна. Тэр дундаа, ядарч сульдах, толгой өвдөх, анхаарал сулрах, бие сулрах, нойргүйдэл, гэдэс эвгүйрхэх гэх мэт. Коронавирусийн дараа 50 гаруй шинж тэмдэг илэрч болохоор байна" гэлээ.