Монгол Улсын Засгийн газар хуралдаж, зарим асуудлын талаарх гарсан шийдвэрүүдээ танилцууллаа. Энэ үеэр Сангийн сайд Б.Жавхлан НӨАТ-ын хэмжээг багасгах болон тэглэх талаар мэдээлэл өглөө.

Тэрбээр, "НӨАТ тэглэх асуудал байхгүй. НӨАТ-ыг зохицуулах хууль бий, НӨАТ нь өөрөө сонгодог татварын хэлбэр. Одоогоор 186 улсаас 165 нь НӨАТ-ын татвартай байдаг. Хэмжээний хувьд манайх багадаа ордог ч НАӨТ-ын буцаан олголтыг ганцхан манай улс олгодог. Зарим улсад НӨАТ-ын буцаан олголтыг сугалааны хэлбэрээр олгодог. Манайх хэмжээний хувьд бага ч тогтолцооны хувьд илүү уян хатан байдгаараа онцлогтой.

НАӨТ-ын татвар нь төсвийн орлогын хувьд маш тогтвортой, баталгаатай эх үүсвэр байдаг. Мөн далд эдийн засгийг ил болгох бүртгэлийн татварын систем гэдэг утгаараа манайд их чухал татвар. Одоогоор НӨАТ-ын хэмжээг багасгах шаардлагагүй гэж үзэж байгаа" гэлээ.