ОХУ-ын Воронеж хотод автобус дэлбэрсний улмаас нэг эмэгтэй амиа алдаж, 15 хүн эмнэлэгт хүргэгдсэн байна.

Дэлбэрэлт болох үед автобусанд 35 орчим зорчигч байсан гэж жолооч "Россия-24" телевизийн сувагт ярьжээ. Нэг эмэгтэй зорчигчийн биеийн байдал хүндэвтэр сэхээн амьдруулах тасагт хүргэгдсэн бөгөөд дараа нь нас барсан байна. Гурван зорчигчийн биеийн байдал хүнд байгаа бөгөөд арав гаруй хүн эмнэлэгт хэвтэн эмчлүүлж байна.

Албаны хүмүүс шалтгааныг олон нийтэд зарлаагүй байна. Бүс нутгийн тээврийн албаны нэрээ нууцалсан нэг эх сурвалж Интерфакс агентлагт хэлэхдээ, "Энэ нь автобусны дээвэр дээр суурилуулсан алдаатай хийн савнаас болсон" гэжээ.