2021-2022 оны хичээлийн жил эхлэхэд хэдхэн хоног үлдээд байна. Тэгвэл Засгийн газрын шийдвэрээр энэ жилийн хичээлийн жилд 4-5 настнуудыг цэцэрлэгт хамруулах шийдвэр гарсан. Үүнтэй холбогдуулан цэцэрлэгүүдэд хийгдэх зохицуулалтын талаар өнөөдөр БШУЯ-аас мэдээлэл хийлээ.

4 болон 5 настай хүүхдүүдийг эцэг эхийн хүсэлтэд үндэслэн есдүгээр сарын 1-ээс танхимын сургалтад хамруулна. Танхимын сургалтад хамрагдаагүй хүүхдийг зайн сургалтад хамруулна. Шинээр элсэх 4 болон 5 настай хүүхдийн элсэлт энэ сарын 16-25-ны өдрүүдэд болно.

2 болон 3 настай хүүхдүүдийг халдварын эрсдлийн үнэлгээ хийгдсэний дараа ямар үе шаттайгаар хэрхэн цэцэрлэгт нь хамруулах талаар тухайн үед нь шийдвэр гаргаж ажиллах аж.