"Токио-2020" олимпт оролцсон Монголын сүүлийн багийн гишүүд Олимпын тосгоноо орхин одоогоор Яизү хотноо ирээд буй. Манай баг тамирчдын сүүлч маргааш буюу 11-ний орой 23 цагийн үед эх орондоо газардана.

Энэ өдөр чөлөөт бөх, хөнгөн атлетикийн тамирчид, дасгалжуулагчид, МҮОХ, БТСУХ-ны ажилтнууд болон сэтгүүлчид тэргүүтэй 43 хүн эх орондоо ирэх юм. Харин гавьяат тамирчин Б.Сэр-Од дасгалжуулагч О.Оюунтуяагийн хамт Японд үлдэж, Хоккайдод бэлтгэлээ үргэлжлүүлэн хийх юм.