Токиогийн Олимпын боксын Эрэгтэйчүүдийн 57 кг-ийн жинд гавьяат тамирчин Э.Цэндбаатар хагас шигшээ шатны тулаанаа ОХУ-ын Альберт Ханбулатович Батыргазиевтай 16.30 цагаас хийх юм. Манай тамирчинтай рингэнд өрсөлдөх Батыргазиев нь дагестан гаралтай бөгөөд 1998 онд төрсөн. Өнгөрсөн жилээс эхлэн албан ёсоор Олон улсын боксын холбооны тэмцээн, уралдаанд оролцож эхэлсэн ба рингэнд гурван удаа тулаан хийхдээ нэг ч ялагдаагүй юм.

Харин манай тамирчны хувьд Токиогийн Олимп эхэлснээс хойш тун өнгөтэй байгаа төдийгүй 2019 оны ДАШТ-ээс эх орондоо цорын ганц хүрэл медалийг авч ирсэн түүхтэй.

МУГТ Э.Цэндбаатарыг маш чухал хариуцлагатай тулаан хүлээж байна.