"Токио 2020" зуны олимпын наадамд онч сорьж буй О.Гүндэгмаа өөрийн үндсэн дасгал болох спорт гар бууны 25 метрийн дасгалд залуу тамирчин Ц.Анударийн хамт өнөөдөр өрсөлдсөн. Улмаар уг буудлагад Ц.Анударь 29-д, О.Гүндэгмаа 38 дугаарт бичигджээ. Тодруулбал, шигшээд шалгарч чадаагүй байна. Өнөөдөр медалийн эзэд тодрохгүй бөгөөд маргааш буюу 30-нд спорт гар бууны медалийн эзэд тодорхой болох аж.

Сануулахад, эхний 8-д шалгарсан тамирчид шигшээд бууддаг аж. Мөн О.Гүндэгмаа нь долоо дахь удаагийн олимптоо оролцож байгаа билээ.