Коронавируст цар тахлын энэ үед оношилгоо, эмчилгээний нөөц бүрдүүлэхдээ нэгж бүтээгдэхүүнд зарцуулж буй үнийн мэдээлэл иргэдийн дунд маргаантай асуудлуудын нэг байсаар ирсэн. Үүнтэй холбогдуулан Эрүүл мэндийн сайд С.Энхболд өөрийн цахим хуудсаараа оношлогоо, эмчилгээнд зарцуулагдаж буй үнийн мэдээллийг өглөө.

Тэрбээр "Эрүүл мэндийн яам анх PCR оношлуурыг 55,000 төгрөг, Remdesivir тариаг 149,600 төгрөгөөр худалдан авдаг байсан. Харин худалдан авах үйлдвэрлэгчийн сонголтыг өргөтгөж мөн олон улсад бөөнөөр үйлдвэрлэх явц нэмэгдэж үнэ хямдарснаар нөөц бүрдүүлэхэд зориулан PCR оношлуурыг 28,000 төгрөг, Remdesivir тариаг 50,000 төгрөгөөр худалдан авч байна" хэмээжээ.