Тэрэлжид 6-12 дугаар ангийн сурагчдын "Ерөнхий боловсролын тэрэлж боардинг сургууль" баригджээ. Энэхүү сургуулийн хувьцаа эзэмшигч нь "Оюун ухааны академ"-ын захирал Х.Хатанбаатар бөгөөд тэрбээр энэ талаараа өөрийн цахим хаягтаа, "Байгалийн сайхан Тэрэлжид 6-12 дугаар ангийн сурагчид дотуур байрандаа байрлаад, суралцах боломжтой өөрийн гэсэн бүрэн дунд сургуультай болсон өдрийн мэндийг хүргэе!
"Язгуур” бага сургуулийн сурагчид маань төгсөөд үргэлжлүүлэн сурах сургуультай боллоо. Ирээдүйд гадны улс орнуудаас ч хүүхдүүд зорьж ирээд суралцдаг сургууль болгохын төлөө хамт олонтойгоо мэдлэг, чадвараа дайчлан ажиллана. Энэ хичээлийн жилийн элсэлт тун удахгүй зарлагдана" гэж бичжээ.