Монгол Улсын Ерөнхийлөгчийн сонгууль болж байна. МАН-аас нэр дэвшигч У.Хүрэлсүх өнөөдөр 07.40 цагт Баянзүрх дүүргийн нэгдүгээр хороонд байрлах Ерөнхий боловсролын 48 дугаар сургуульд саналаа өгсөн байна.

Тэрбээр "Монгол Улсын наймдахь удаагийн Ерөнхийлөгчийн сонгууль болж байна. Энэ жил Улс тунхагласны 100 жилийн ой тохиож байна. Түүхэн сайхан онцлогтой сонгууль болж байна. Өнөөдөр нар хур тэгширсэн сайхан өдөр байна. Ард иргэд ч Төрийн тэргүүнээ сонгохоор идэвхтэй байна. Монголчууд олон баялагтай. Монголын ард түмэн маань өөрсдөө баялаг. Монголын ард түмний оюун санаа асар том баялаг байна. Мөн хамт нэр дэвшиж буй хоёр нэр дэвшигчдээ амжилт хүсье. Д.Энхбат маань хурдан эдгээд гараарай. Гэр бүлийн хүнд нь эрүүл энхийг хүсье. Эрүүл мэнд маш чухал. Бид цар тахлын хамтын хүчээр даван туулна" гэлээ.