ХӨСҮТ-ийн вакцин, био бэлдмэлийг хадгалах, хүйтэн хэлхээний үндэсний төв агуулахын өргөтгөлийн бүтээн байгуулалтын ажил эхэлжээ. Тус агуулахад +2-8 градус, -15-25 болон -70 хэмийн градуст зориулагдсан тоног төхөөрөмжүүдийг суурилуулах юм.
Вакцины хадгалалт тээвэрлэлтийн аюулгүй байдлыг хангах зорилгоор уг агуулах баригдаж байгаа бөгөөд ирэх сард ашиглалтад оруулахаар төлөвлөжээ. ХӨСҮТ-ийн хэмжээнд хүчилтөрөгчийн нөөцийг бүрэн хангаад зогсохгүй өдөрт 125 баллон хүчилтөрөгч үйлдвэрлэж, бусад эмнэлэг, шаардлагатай газруудыг нөөцөөр хангах үйлдвэр болно.
