Нийслэлийн Авто замын хөгжлийн газар, Улаанбаатар зам засвар, арчлалтын газар ОНӨААТҮГ нийслэлийн 10 байршилд авто замын тэмдэг, хайс, авто замын заадсыг засаж эхэллээ.
Тодруулбал, замын заадас, засварыг Энхтайваны өргөн чөлөө ХХААХҮЯ-ны уулзвар, Арслантай гүүр, Төв шуудангийн урд тал, Жуковын авто замд хийж эхлэв. Мөн тэмдэг, хайс арчлалтыг Чингисийн өргөн чөлөө, Энхтайваны өргөн чөлөөний авто замд, Гачууртын гүүрний далангийн бэхэлгээ хийж байгаа юм.
