Токиогийн загварын долоо хоног цар тахлыг үл хамааран даваа гарагаас эхэлжээ. Үүнд загвар зохион бүтээгчдийн 50 орчим брэндийн намар, өвлийн цуглуулгыг харуулав.

Цар тахлын улмаас томоохон олон улсын загварын шоунууд виртуал хэлбэрт шилжсэн боловч Ракутений загварын долоо хоног Токио хотод энэ сарын 20 хүртэл загварын тайзан дээр зохион байгуулагдах юм. Тус загварын шоуг дизайнер Такааки Шимасегийн 2013 онд бүтээсэн “tac: tac” брэндийн хувцсаар эхлүүлжээ. Парисын шоунд оролцсоноороо алдартай Хиденори Кумакири загварын шоуны үеэр “Үзэсгэлэнтэй хүмүүс” гэх шинэ загвараа танилцуулсан байна.

Жилд хоёр удаа болдог Токиогийн арга хэмжээ нь загварын ертөнцөд үзүүлэх нөлөөгөөр Парис, Милан, Лондон, Нью-Йоркийн загварын долоо хоногуудтай зэрэгцэн жагсдаг аж.

Эх сурвалж: Kyodo news