УИХ-ын Төрийн байгуулалтын байнгын хороогоор Төрийн албан хаагчийн ёс зүйн тухай хууль тогтоомжийн биелэлт, төрийн албан хаагчийн ёс зүйн зөрчлийн нэгдсэн дүн, төлөв байдлын талаарх Ёс зүйн хорооны тайланг сонслоо.
Энэ үеэр УИХ-ын гишүүн Л.Гантөмөр "Төрийн албаар дүүрэн "Зангиатай архичид" бий болсон. Аймгуудын орох, гарах хаалган дээр ЦЭНХЭР ДУГААРТАЙ машинуудтай нэгнээ үдэж байна гээд архи задалж байгаа нь илт харагддаг. Монгол ёс гэж худлаа яриад, тийм юм байхгүй.
Мөн өмнө нь Төрийн албаныхан гадаадад очоод 5 хоногийн сургалтын дөрөвт нь КАЗИНО тоглодог байсан бол одоо сургалтыг 2 хоногт хийгээд харьдаг болсон гэж ЭСЯ-ныхан хэлдэг" гэлээ.
