НИТХ-ын хуралдаан өнөөдөр /2026.05.19/ үргэлжилнэ. Тодруулбал, өчигдөр НИТХ-ын хуралдаан үргэлжилж байх явцад Ардчилсан намын бүлгийн зүгээс хурлын ирц болон хэлэлцэж буй асуудалтай холбоотойгоор нэг өдрийн завсарлага хүссэн. Үүний дагуу хуралдаан өнөөдөр үргэлжилнэ.

Өнөөдрийн хуралдаанаар Нийслэлийн өмчөөс төрийн болон орон нутгийн өмчид тээврийн хэрэгсэл шилжүүлэх тухай, Нийслэл Улаанбаатар хот нь 2027 онд Нийслэлийн дотоод үнэт цаас гаргаж шаардлагатай төслүүдийг санхүүжүүлэхийг дэмжих тухай зэрэг 20 орчим асуудлыг хэлэлцэнэ.