Ардчилсан намын Үндэсний бодлогын хороо маргааш буюу тавдугаар сарын 6-нд хуралдаж, Ерөнхий нарийн бичгийн даргын үүрэг гүйцэтгэгч С.Баярцогтыг жинхлэх эсэх асуудлыг хэлэлцэх гэж байна. Үүнтэй холбоотойгоор өнөөдөр АН-ын фракцууд дотоод уулзалт, хурлуудаа хийж байна. Ингэхдээ уулзалтаар ҮБХ-ны хурал болон генсекийн асуудалд хэнийг дэмжих зэрэг улс төрийн шийдвэр, ойлголтуудаа нэгтгэхээр ярилцаж буй нь энэ аж.
Дашрамд дурдахад, Ерөнхий нарийн бичгийн даргын үүрэг гүйцэтгэгч С.Баярцогтын хувьд АН-ын зургаан фракцаас дөрвийнх нь дэмжлэгийг авсан талаараа мэдээллийнхээ үеэр дурдсан байдаг.
